Mia san B.S.A.

De Boarische Raumfahtagendur / Bavarian Space Agency (BSA) is a 2018 g’ründde priwade Initiative um d’zivile Raumfaht bei uns dahoam voro zum bringa. Wias da Söder in seina Regierungserklärung 2018 a moant, konzendrierd si d’BSA auf’n Aufbau vo da Raumfaht ois gscheids boarisch’s Handwerk. As Raumfahtbrogramm „Bavaria One“ soi heiffa Bayern ois’n oinzig wahren Oad füa Raumfahrarei bekannt zu macha. Mit da Gründung vo da Fakultät füa Luft- und Raumfahrt mit Aungmerk auf Sadelliddn, Runterschauerei, Rauffliagarei und Gloazeigsensorig griagt de TU in Ottobrunn a zünftigs Foaschungszentrum. Do herin find’s ia de gsammelten Werke vo da boarischen Raumfahd.

Wos mia woin

De BSA wui füa mehra Begeisderung füa d’zivile Raumfahd soang und Bayern ois innowadive Raumfahrer in Deitschland bekannt macha. De boarische Raumfahd soil uns heifa unsan Heimadblanedn Erde bessa zu kabiern und zu schützen, voa allem soin mia und de Breissn ned nur üban Dellarand sondern a moin auffe schaun.

Wo’s hi geh soi

Mid da Fahnaweih vo da TU ihra Fakultät für Luft- und Raumfaht und am Hebauf vom boarischen Raumfahdbrogramm „Bavaria One“ wern wichtige Grundlagn g’schaffa. Wia de Details vo dem Brogramm ausbrüad wern, kenna mia uns am Stammdisch scho übers nächste Brogramm undahoiddn: „Bavaria Two“ kannt vielleicht scho an sauban Raketnstart vo dahoam in‘ Orbit oder an ersdn boarischen Raumfahra bedeiddn. Wia’s weida gehd woas no koana!