Bavaria One

Mit da Luft- und Raumfahdstraddegie „Bavaria One“ homma uns zum Zui g’setzt Bayern an subba Bloz füa neie Luft- und Raumfahddechnologien zu macha. Do undt gibts de neiastn Endwiglunga rund um „Bavaria One“ zum Lesn:

Bildquelle: https://twitter.com/Markus_Soeder/status/1047141595907264513

02.10.2018 – Bavaria One startet!

De boarische Staatsregierung hod de Luft- und Raumfahdstraddegie „Bavaria One“ beschlossn. Mit am Hauffa Dire Dare vo 700 Milliona Euro soll de Luft- und Raumfahdindustrie bei uns gföadat wern und in Ottobrunn de greste Fakultät füa Luft- und Raumfahd Europas entsteh. Des Programm stehd etz unta de Fuchtln vo unsam Wirtschaftsministe Franz Josef Pschierer.

Mehra zum Programm:

  • Bau vonara 400 Medda langa Hyperloop Teststreck
  • Siem neie digidale Gründerzentren an folgenden Plätzn:
    •  Ansbach
    • Rottal-Inn/Freyung-Grafenau/Pfarrkirchen
    • Manching
    • Coburg
    • Parsberg
    • Günzburg
    • Lohr am Main

Quelle: https://www.csu.de/aktuell/meldungen/oktober-2018/bavaria-one-startet/

Weida hod da Söder a a Missionsbuidl füa „Bavaria One“ zoagt, wo sei G’sicht bedlbroad zum seng is. Des hod ned olle g’foind und etz dableckt de Öffentlichkeit unsan Ministapräsi aka „Major Markus“ und sogn er dad unta Größenwahn und Selbstverherrlichung lein.

Bildquelle: https://www.facebook.com/BavariaOne/

04.05.2018 – Ottobrunn werd Sternastod

Wos füa de USA Houston is und füa Russland Swjasdny Gorodok is, des soi Ottobrunn füa Deutschland wern: A Sternastod!

Inara Ansprach im Landdog hod da Markus Söder mehra Einzlheiddn zu unsam Raumfahdprogramm „Bavaria One“ bräsentiad. Mit am Hauffa Geid vo 100 Milliona Euro so im Süd-Osten vo Minga, quasi Ottobrunn a neie Fakultät füa Luft- und Raumfahd entsteh. Blaant san ummara 30 Professuren, a neis Gebäude und a Hyperloop Teststreckn. Ottobrunn is etza a scho a Standort füa große Luft- und Raumfahdunternehma wia Airbus zum Beispui. De Firmen, Universidädn und Start-Ups aussnrum gfreins se freilli üba des neie Engagement und de Begeisterung rund um de boarische Raumfahd.

As Deutsche Zentrum für Luft- und Raumfahrt im Westn vo Minga sogt, dass si se a üba „Bavaria One“ g’frein aba mehra songs ned dazua. As DLR soi a im Raumfahdbrogramm mitspuin derfa und des Sateliddnkontroizentrum soi a ausbaud wern.

Quelle: https://www.br.de/nachricht/bavaria-one-was-plant-soeder-100.html

18.04.2018 – BavariaOne.init();

In seina Regierungserklärung 2018 hod unsa Minsitapräsi Markus Söder „Bavaria One“ zum erstn moi in Mund gnomma, quasi a Raumfahdprogramm um de Raumfahd bei uns wieda(?) zua am gscheiden boarischn Handwerk zum macha. Teil vo dem Vorhabn is de Gründung vonara Fakultät füa Luft- und Raumfahd an da TU in Ottobrunn wo sa se auf unbemannte suborbitale Fliagarei, Erdbeobachtung und Quantensensorik konzentrian woin.

Quelle: https://www.csu.de/aktuell/meldungen/april-2018/das-beste-fuer-bayern/